Kandidati për kryeministër i Partisë Demokratike të Kosovës (PDK), Bedri Hamza ka pritur në takim Përfaqësuesin Special të Gjermanisë për Ballkanin Perëndimor, Manuel Sarrazin, me të cilin diskutuam për zhvillimet politike në vend e rajon

Me anë të një postimi në Facebook, ai tha se PDK është e përkushtuar që në koordinim me partnerët ta forcojmë paqen dhe sigurinë në tërë rajonin tone, shkruan Arbresh.info.

“Si subjekt politik, kemi qenë dhe vazhdojmë të jemi të përkushtuar, që në koordinim të plotë me partnerët tanë ta forcojmë paqen dhe sigurinë në tërë rajonin tonë. Ndërsa, si kandidat për kryeministër, prioritete të politikës së jashtme në qeverisjen time do të jenë forcimi i subjektivitetit shtetëror, normalizimi i raporteve ndërfqinjësore, përafrimi i vendeve të rajonit dhe integrimi euroatlantik.”, ka shkruar ai.

“Në rrugën evropiane të Kosovës është jetike përkrahja e Gjermanisë dhe me përkushtim të palëkundur do ta ruajmë partneritetin me të gjithë aleatët tanë.”, shtoi Hamza./Arbresh.info/